ئه‌مرِۆ له‌هۆڵی داخراوی یانه‌ی وه‌رزشی پێشمه‌رگه‌ له‌سلێمانی، له‌چوارچێوه‌ی یاریه‌كانی خولی تۆپی ده‌ستی یانه‌ پله‌ نایابه‌كانی عێراق گروپی باكور، هه‌ردوو یانه‌ی (سلێمانی) و (سیروانی نوێ) به‌یه‌ك گه‌یشتن.

دوای ئه‌نجامدانی یاریه‌كی به‌هێزو ئاست به‌رز یانه‌ی (سلێمانی) سه‌ركه‌وتنێكی گه‌وره‌ی تۆمار كردو به‌ ئه‌نجامی (26) گۆڵ به‌رامبه‌ر به‌ (17) گۆڵ یاریه‌كه‌ی به‌ سوودی خۆی كۆتایی پێ هێنا.

شایانی باسه‌ یانه‌ی (سلێمانی) له‌ پێشه‌نگی یانه‌كانی ئه‌م گروپه‌دایه‌و خاوه‌نی (14) خاڵه‌، یانه‌ی (سیروانی نوێ)ـش ، له‌ پله‌ی دووه‌مدایه‌و خاوه‌نی (12) خاڵه‌ .

برِیار وایه‌ سبه‌ینێش یه‌ك شه‌ممه‌ كاتژمێر (11) ی به‌یانی له‌هه‌مان هۆڵ، یانه‌ی سلێمانی و یانه‌ی ئه‌زمرِ به‌یه‌ك بگه‌ن .

ئا/بێوه‌ی.