كاتژمێر 11:30ی ئه‌مشه‌و 9\10-9-2008 له‌یاریگای داخراوی ناوه‌ندی فه‌هد له‌ناوچه‌ی ده‌عیه‌ی كوێت تیپی فوتساڵی یانه‌ی نه‌ورۆز یاریه‌كی له‌گه‌ڵ تیپی "یونستیل" ی كوێتی ئه‌نجامداو توانی به‌سه‌ر لایه‌نی به‌رامبه‌ردا سه‌ربكه‌وێت به‌ 6 گۆڵ به‌رامبه‌ر به‌ 4 گۆڵ.

گۆڵه‌كانیش له‌لایه‌ن یاریزانانی یانه‌ی نه‌ورۆز "هونه‌ر عومه‌ر(2) وه‌میز شامل (2) زه‌ید واسق ناجی(1) داركۆ ئه‌حمه‌د (1)" ه‌وه‌ تۆمار كران.

تیپی "یونستیل" بۆ پاڵه‌وانێتی بیست و نۆهه‌می فوتساڵی عه‌بدوڵڵا مه‌شاری رِه‌وزانی كردووه‌و له‌ئه‌وروپاوه‌ 3 یاریزانی ناوداری هۆڵه‌ندی هێناوه‌و ئه‌مشه‌و ئه‌و 3 یاریزانه‌ به‌رامبه‌ر یانه‌ی نه‌ورۆز یاریان كرد به‌ڵام یاریزانانی یانه‌ی نه‌ورۆز توانیان به‌ جیاوازی 2 گۆڵ به‌سه‌ر تیپی به‌رامبه‌ردا سه‌ربكه‌ون.

پاڵه‌وانێتی پاڵه‌وانێتی بیست و نۆهه‌می فوتساڵی عه‌بدوڵڵا مه‌شاری رِه‌وزان له‌ 1.9.2008 ه‌وه‌ ده‌ستی پێكردووه‌و ته‌نها یانه‌ له‌عێراقدا یانه‌ی نه‌ورۆزه‌ كه‌به‌شداری ئه‌و پاڵه‌وانێتیه‌ی كردووه‌و رِۆژی 9.9.2008 وه‌فدی یانه‌ی نه‌ورۆز گه‌یشته‌ شاری كوێت و پێشوازیه‌كی شایسته‌ كران.

برِیاره‌ یانه‌ی نه‌ورۆز له‌ 11.9.2008 یه‌كه‌م یاری له‌گه‌ڵ "فۆردلۆزان" ئه‌نجام ده‌دات له‌كاتژمێر 4ی پاش نیوه‌رِ كه‌یاریه‌كه‌ رِاسته‌وخۆ له‌لایه‌ن كه‌ناڵی "الوگن"ی كوێتی له‌سه‌ر مانگی ده‌ستكردی "نایل سات" په‌خش ده‌كرێ.