یاریه‌كه‌ له‌یاریگای یانه‌ی سیروانی نوێ به‌رِێوه‌چوو، گێمی یه‌كه‌می یاریه‌كه‌ ئاستی هه‌ردوو تیپ نزیك بوو له‌یه‌كه‌وه‌ ، هه‌ردوولا چه‌ند جارێك گه‌شتنه‌ گۆڵی یه‌كتری ، به‌لاَم یاریزانانی هه‌ردوولا نه‌یان توانی گۆڵ تۆمار بكه‌ن و ئه‌م گێمه‌ به‌یه‌كسان بوونی هه‌ردوو تیپ به‌بێ گۆڵ كۆتایی هات.

له‌ گێمی دووه‌مدا یاریزانانی یانه‌ی سلێمانی به‌ئاستێكی به‌رزه‌وه‌ بینران و تاراده‌یه‌كی زۆر كۆنترۆڵی هێڵی ناوه‌رِاستی یاریگایان كردو چه‌ندین هێرشیان كرده‌ سه‌ر گۆڵی یانه‌ی سیروانی نوێ،به‌لاَم ئه‌مه‌ نه‌بووه‌ هۆی تۆماركردنی گۆڵ و كۆتایی هێنانی یاریه‌كه‌ له‌به‌رژه‌وه‌ندی خۆیان.

له‌م یاریه‌دا رهێنه‌رانی هه‌ردوو تیپ چه‌ندین گۆرِینیان له‌ رِیزی یاریزانه‌كاندا ئه‌نجامداو چه‌ند نه‌خشه‌و پلانێكی جیاوازیان تاقیكرده‌وه‌.

پێویسته‌ بوترێت هه‌رچه‌نده‌ زیاد له‌ دوو یاریزانی سه‌ره‌كی یانه‌ی سلێمانی له‌م یاریه‌دا ئاماده‌نه‌بوون ، به‌لاَم ئه‌و ئاسته‌ی كه‌له‌تیپی سلێمانی بینرا ده‌توانرێت چاوه‌رِێی ئه‌نجامی باشی لێبكرێت، ئه‌مه‌ش به‌هه‌وڵ و ماندووبونی سه‌رۆكی یانه‌و سه‌رپه‌رشتیاری تیپی تۆپی پێی یانه‌كه‌ (مه‌لا جه‌بار) دێت كه‌رۆڵێكی گه‌وره‌ی بینیوه‌ له‌ هێنانی راهێنه‌رو چه‌ند یاریزانێكی به‌توانا و تازه‌ كردنه‌وه‌ی بۆندی زۆرینه‌ی یاریزانانی تیپه‌كه‌.