تیپی تۆپی ده‌ستی یانه‌ی سلێمانی، له‌هۆڵی یانه‌ی كه‌رخ له‌ به‌غدا، له‌یاریه‌كانی قۆناغی بژارده‌ی خولی نایابی یانه‌كانی عێراقدا به‌شداره‌و له‌گروپی دووه‌می یانه‌كاندایه‌.

پاش ئه‌وه‌ی له‌دوای یاری خۆیدا له‌م قۆناغه‌دا به‌ئه‌نجامی (32-21) له‌یانه‌ی نه‌وتی میسانی برده‌وه‌ بۆ قۆناغی شه‌ش تیپی یانه‌كان (شه‌ش گۆشه‌ی زێرِین) سه‌ركه‌وت.

هه‌ر له‌درێژه‌ی یاریه‌كاندا تیپی یانه‌ی كه‌رخ به‌ ئه‌نجامی (27-24) له‌تیپی یانه‌ی شورته‌ی برده‌وه‌،یانه‌ی كه‌ربه‌لاش به‌ئه‌نجامی (27-26) له‌یانه‌ی فتوه‌ی موسڵی برده‌وه‌.

له‌یاریه‌كانی لاوانیشدا ئه‌نجامه‌كان به‌م جۆره‌ بوو:

نه‌وتی میسان 28-27 سلێمانی

كه‌رخ 14-8 شورته‌

فتوه‌ 30-28كه‌ربه‌لا

به‌م دۆراندنه‌ش تیپی لاوانی یانه‌ی سلێمانی نه‌یتوانی سه‌ركه‌وتن بۆ قۆناغی داهاتوو ده‌سته‌به‌ر بكات و ماڵئاوایی له‌ پاڵه‌وانێتیه‌كه‌ كرد.

بێوه‌ی ئه‌حمه‌د