به‌مه‌به‌ستی زیاتر به‌هێز كردنی تیپه‌كه‌و ململانێ كردنی یانه‌ گه‌وره‌كان له‌وه‌رزی نوێدا ، یانه‌ی وه‌رزشی سلێمانی چه‌ند یاریزانێكی نوێی هێناوه‌ته‌ ریزی تۆپی پێی یانه‌كه‌وه‌و بۆندی چه‌ند یاریزانێكیشی نوێ كردۆته‌وه‌.

دوای ئه‌وه‌ی شاكر مه‌حمود كرایه‌ راهێنه‌ری تیپه‌كه‌و بۆندی هه‌ڵگوردی مه‌لا محه‌مه‌د تازه‌ كرایه‌وه‌ ، یانه‌ی سلێمانی بۆندی له‌گه‌ڵ سێ یاریزانی یانه‌ی كه‌ركوكدا مۆركرد.

یاریزانه‌كانیش (سه‌فوان عه‌بدولكه‌ریمی) گۆڵجی و هه‌ریه‌ك له‌ (زانا محه‌مه‌د حه‌بیب و عیماد خه‌لیفه‌)ن، هاوكات له‌گه‌ڵ مۆركردنی ئه‌م گرێبه‌ستانه‌دا یانه‌ی سلێمانی سه‌ركه‌وتوبوو له‌هێنانه‌وه‌ی یاریزانی پێشووی یانه‌كه‌و هه‌ڵبژارده‌ی ئۆڵۆمپی عێراق و یانه‌ی هه‌ولێر (دارا محه‌مه‌د حه‌بیب) بۆ ریزی یانه‌كه‌.

سه‌رجه‌م ئه‌م هه‌والاَنه‌ش (مه‌لا جه‌بار) سه‌رپه‌رشتیاری تیپی تۆپی پێی یانه‌ی سلێمانی پێی راگه‌یاندین.