ئه‌مرۆ یه‌ك شه‌ممه‌ ، هه‌ردوو یاری جامی سوپه‌ری ئیسپانیا و ئیتاڵیا ئه‌نجام ده‌درێن، تێیدا ریاڵ مه‌درید و ڤالانسیا له‌ ئیسپانیا و ئینته‌رمیلان و رۆما له‌ ئیتاڵیا به‌یه‌ك ده‌گه‌ن.

له‌یاری گه‌رِانه‌وه‌دا و بۆ به‌ده‌ست هێنانی جامی سوپه‌ری ئیسپانیا ئه‌مشه‌و كاتژمێر (11) یانه‌ی (ریاڵ مه‌درید) ی پاڵه‌وانی وه‌زری پێشووی خولی ئیسپانیا له‌یاریگای (سانتیاگۆ بیرنابیۆ) میوانداری یانه‌ی (ڤالانسیا) خاوه‌ن نازناوی جامی ئیسپانیا ده‌كات، شایانی باسه‌ له‌یاریی چووندا یانه‌ی ڤالانسیا (3-2)براوه‌بوو.

له‌ئیتاڵیاش هه‌ردوو یانه‌ی (ئینته‌رمیلان)ی پاڵه‌وانی وه‌رزی پێشووی خولی ئیتاڵیاو (رۆما)ی خاوه‌ن نازناوی جامی ئیتاڵیا رووبه‌رِووی یه‌ك ده‌بنه‌وه‌و پاڵه‌وانی جامی سوپه‌ر دیاری ده‌كرێت.

شایانی باسه‌ وه‌رزی پێشوو له‌سه‌رهه‌مان جام هه‌ردوو یانه‌ به‌یه‌ك گه‌شتن و یانه‌ی رۆما جامه‌كه‌ی ده‌سته‌به‌ر كرد دوای ئه‌وه‌ی یاریه‌كه‌ی به‌گۆڵێكی (دی روسی) له‌به‌رژه‌وه‌ندی خۆی كۆتایی پێهێنا.

بێوه‌ی ئه‌حمه‌د.