بۆ چواره‌مین جار له‌سه‌ر یه‌ك و ده‌یه‌مین جار له‌ مێژوویدا یانه‌ی ئه‌ی سی میلانی ئیتاڵی نازناوی جامی برلسكۆنی ده‌سته‌به‌كرد، دوای ئه‌وه‌ی به‌ئه‌نجامی (4-1) له‌ یانه‌ی یۆڤانتۆسی برده‌وه‌.

شه‌وی رابردوو له‌یاری دیاریكردنی پاڵه‌وانی ئه‌مساڵی جامی برلسكۆنی هه‌ردوو یانه‌ی میلان و یۆڤانتۆس به‌یه‌ك گه‌شتن و پیاوه‌كانی (ئه‌نشیلۆتی) به‌ ئه‌نجامی (4-1) له‌ پیاوه‌كانی (رانێری) یان برده‌وه‌.

گۆڵه‌كانی میلان (یانكۆلۆڤسكی21، ماسیمۆ ئه‌مبرۆسینی 25 و 79، ئینزاگی 52) تۆماریان كرد، ته‌نیا گۆڵه‌كه‌ی یۆڤیش (پاسكواتۆ) له‌خوله‌كی (70)دا تۆماری كرد.

جامی برلسكۆنی له‌ ساڵی (1991) وه‌ و پێش ده‌ست پێكدرنی خولی ئیتاڵی له‌نێوان هه‌ردوو یانه‌ی میلان و یۆڤی به‌رِێوه‌ده‌چێت و به‌ئه‌نجامدانی ته‌نیا یه‌ك یاری یانه‌یه‌كیان ده‌بنه‌ پاڵه‌وانی جامه‌كه‌ ، جێی ئاماژه‌یه‌ یانه‌ی میلان ده‌ جار پاڵه‌وان بووه‌و یانه‌ی یۆڤیش خاوه‌نی (8) نازناوی جامه‌كه‌یه‌.

ئا/بێوه‌ی