له‌ چوارچێوه‌ی یاری چوونی كۆتایی جامی سوپه‌ری ئیسپانیادا یانه‌ی ڤالانسیا میوانداری یانه‌ی ریاڵ مه‌دریدی كرد.

شه‌وی رابردوو له‌ یاریگای میستایا یانه‌ی ڤالانسیا پاڵه‌وانی جامی ئیسپانیا له‌یاری چوونی جامی سوپه‌ردا میوانداری یانه‌ی ریاڵ مه‌درید پاڵه‌وانی خولی ئیسپانی كرد.

دوای ئه‌نجامدانی یاریه‌كی پرِگۆڵ شه‌مشه‌كوێركان توانیان به‌ ئه‌نجامی 3-2 یاریه‌كه‌ به‌سوودی خۆیان كۆتایی پێ بێنن و شكست به‌یانه‌ی شاهانه‌ بهێنن.

گۆڵه‌كانی یانه‌ی ڤالانسیا له‌رێگه‌ی یاریزانان (خوان ماتا مانوێل 55 ، داڤید ڤییا 58 ، فیسنتی رۆدریگێز 80) تۆماركران، دووگۆڵه‌كه‌ی یانه‌ی ریاڵ مه‌دریدیش ( رۆد ڤان نیسته‌لرۆی) له‌خوله‌كه‌كانی (13 و70)دا تۆماری كرد.

رۆژی یه‌ك شه‌ممه‌ش (24.8) له‌یاری گه‌رِانه‌وه‌داو له‌یاریگای سانتیاگۆبیرنابیۆ، هه‌ردوو یانه‌ جارێكی تر به‌یه‌ك ده‌گه‌ن و به‌لێكدانی ئه‌نجامی هه‌ردوو یاری پاڵه‌وانی ئه‌مساڵی جامی سوپه‌ری ئیسپانیا دیاری ده‌كرێت.

ئا/بێوه‌ی