له‌ یاری‌ تێنسی‌ سه‌رزه‌وی و له‌سه‌ر ئاستی‌ تیپه‌كان، (ڕۆجیه‌ فیدرێر)ی‌ سویسری‌ له‌گه‌ڵ (ستان فافرینكا)ی‌ هاونیشتمانی‌ مه‌دالیای‌ زێریان به‌ده‌ستهێنا، دوای‌ ئه‌وه‌ی‌ به‌ (3) كۆمه‌ڵه‌ به‌رامبه‌ر به‌ كۆمه‌ڵه‌یه‌ك له‌ (سیمۆن) و (تۆماس یۆهانسۆن)ی‌ تیپی‌ سویدیان برده‌وه‌، خاڵی‌ كۆمه‌ڵه‌كانیش:  (6-3)،(6-4)،(4-7) هه‌روه‌ها (6-3) بوون.
له‌پێشبڕكێی‌ (4) به‌ (100)ی‌ مه‌تر پۆسته‌ مه‌له‌، تیپی‌ كوڕانی‌ ئه‌مریكا، پله‌ی‌ یه‌كه‌م و مه‌دالیای‌ زێریان به‌ده‌ستهێنا، به‌مه‌ش (مایكل فیلیپس) بووه‌ خاوه‌نی‌ (8) مه‌دالیای‌ زێر. له‌هه‌مان پێشبڕكێداو به‌ڵام بۆ كچان، تیپی‌ كچانی‌ ئوسترالیاش ڕیكۆردی‌ نوێی‌ جیهانیان تۆماركردو مه‌دالیای‌ زێریان به‌ده‌ستهێنا، ماوه‌كه‌شیان به‌ (3) ده‌قیقه‌و (52) سانیه‌و له‌سه‌دا (69)ی‌ سانیه‌یه‌ك بڕی‌.
له‌پێشبڕكێی‌ (50) مه‌تر مه‌له‌ی‌ سه‌ربه‌ست بۆ كچان، (بریتا شتیڤن)ی‌ كچه‌ مه‌له‌وانی‌ ئه‌ڵمانی‌ پله‌ی‌ یه‌كه‌م و مه‌دالیای‌ زێری‌ به‌دستهێنا، به‌مه‌ش بووه‌ خاوه‌نی‌ دووه‌م مه‌دالیای‌ زێر بۆ وڵاته‌كه‌ی‌.
له‌پێشبڕكێی‌ (1500) مه‌تر مه‌له‌ی‌ سه‌ربه‌ست بۆ كوڕان، (ئوسامه‌ مه‌لولی‌)ی‌ تونسی‌ یه‌كه‌م مه‌دالیای‌ زێری‌ بۆ خۆی‌ و وڵاته‌كه‌ی‌ مسۆگه‌ركرد.
ماوه‌كه‌شی‌ به‌ (14)ده‌قیقه‌و (84) سانیه‌و له‌سه‌دا (40)ی‌ سانیه‌یه‌ك بڕی‌.
له‌پێشبڕكێی‌ ماراسۆنیش بۆ كچان، كه‌ماوه‌كه‌ی‌ بریتیه‌ له‌ (42) كیلۆمه‌ترو (195) مه‌تر، (تۆمیسكۆ)ی‌ كچه‌ پاڵه‌وانی‌ ڕۆمانی‌، پله‌ی‌ یه‌كه‌م و مه‌دالیای‌ زێری‌ ده‌سته‌به‌ركرد.
ماوه‌كه‌شی‌ به‌ (2)  سه‌عات و (26) ده‌قیقه‌و (44) سانیه‌ بڕی‌.