سلێمانى /سدیق عه‌واڵى

رۆژى 31/7 له‌ هۆڵى یانه‌ى پێشمه‌رگه‌ و به‌ ئاماده‌بونى لێپرسراوانى حكومى و وه‌رزشى جه‌ماوه‌رى وه‌رزشى مه‌راسیمى كۆتایی خولى باله‌ى تیپى كورِانى پله‌ نایابى یانه‌كانى كوردستان به‌ ئه‌نجامدانى یاری نێوان یانه‌ى ئه‌كاد و پێشمه‌رگه‌ى سلێمانى به‌رێوه‌چوو.

سه‌ره‌تاى یارییه‌كه‌ش وه‌ك رێزلێنانێك له‌ گیانى پاكى شه‌هیدانى خۆپیشاندانى شارى كه‌ركوك دژ به‌ ماده‌ى 24ى ئه‌نجومه‌نى نوێنه‌رانى عێراق ده‌قیقه‌یه‌ك به‌ بێده‌نگى راوستان ، دواتر یارییه‌كه‌ به‌ ئاستێكى زۆر باش بۆ یانه‌ى پێشمه‌رگه‌ به‌رێوه‌چوو كه‌ تیایدا به‌ سێ كۆمه‌ڵه‌ى بێبه‌رامبه‌ر یانه‌ى پێشمه‌گه‌ یارییه‌كه‌ى برده‌وه‌ و به‌ر له‌و یارییه‌ش یانه‌ى پێشمه‌رگه‌ى سلێمانى به‌ كۆكردنه‌وه‌ى 34 خاڵ ببوه‌ پاڵه‌وانى خوله‌كه‌، له‌كۆتایی دوا یارییه‌كه‌شدا له‌لایه‌ن ئاماده‌بوانه‌وه‌ خه‌لاَته‌كان دابه‌شكران.