پاش نیوه‌ڕۆی رۆژى 4/3 یاریه‌كانی هه‌فته‌ی 21ی خولی نایابی تۆپی پێی یانه‌كانی كوردستان ئه‌نجامدراو یانه‌ی هه‌ولێر پێشه‌نگی یانه‌كانی له‌ كه‌ركوك وه‌رگرت ، پێشمه‌رگه‌ی سلێمانی و نه‌ورۆزیش به‌رده‌وامن له‌ بردنه‌وه‌و سیروانیش له‌گه‌ڵ یه‌كسان بوون بۆندی به‌ستوه‌.

یانه‌ی مارسیلیای فه‌ره‌نسی بڵاویكرده‌وه‌ كه‌ به‌رگریكاری یانه‌كه‌ی "گابرێل هاینزه‌"ی ئه‌رجه‌نتینی به‌هۆی پێكانه‌وه‌ بۆ ماوه‌ی 3 هه‌فته‌ له‌یاریگاكان دورده‌كه‌وێته‌وه‌.

یه‌كێتى تۆپى پێی ئینگلته‌را ئه‌و هه‌وڵه‌ى كۆمه‌ڵێك یانه‌ى ره‌تكرده‌وه‌ كه‌ داوایان كردبوو گۆڕانكارى له‌ ژماره‌ى یانه‌كانى خولى ئینگلیزى بۆ گه‌یشتن به‌ خولى یانه‌ پاڵه‌وانه‌كان بكرێت.

ئه‌مڕۆ پێنج شه‌مه ‌له‌چوارچێوه‌ى یاریه‌كانى خولى نایابى یانه‌كانى كوردستان یانه‌ى نه‌ورۆز له‌یاریگاى خۆى میواندارى یانه‌ى پێرسى كردو له‌ ئه‌نجامدا یانه‌ى نه‌ورۆز توانى یاریه‌كه‌ له‌به‌رژه‌وه‌ندى خۆى كۆتاى پێ بێنێت به‌ئه‌نجامى گۆڵێكى بێ به‌رامبه‌ر.

به‌هۆى ئه‌و پێكانه‌ى له‌ یه‌كێك له‌ ئێسكه‌كانى روتیدا دوچارى هات، مارتن دیمیكلسى به‌رگریكارى هه‌ڵبژارده‌ى ئه‌رجه‌نتین‌و یانه‌ى بایرن میونخ نه‌شته‌رگه‌رى بۆ ده‌كرێت.

كارلۆس تیڤێزى ئه‌رجه‌نتینى‌و هێرشبه‌رى یانه‌ى مانچسته‌ر سیتى ره‌خنه‌ى توند ئاراسته‌ى جۆن تێرى ده‌كات‌و هه‌ڕه‌شه‌ى كوشتنى لێده‌كات.

یه‌كێتی تۆپی پێی ئه‌ڵمانیا بڕیاریدا ، هه‌ر یاریزانێكی هه‌ڵبژارده‌كه‌ی به‌ بڕی  "250" هه‌زار یۆرۆ پاداشت بكات ، گه‌ر بێت و بتوانن نازناوی مۆندیالی ئه‌مساڵ ده‌سته‌به‌ربكه‌ن.

ئاژانسه‌كان : كاپتنی یانه‌ی رۆمای ئیتاڵی "فرانچیسكۆ تۆتی" خه‌ڵاتی باشترین یاریزانی ئیتاڵیای له‌لایه‌ن رۆژنامه‌ی "گازێتا دیلا سپۆرت" پێبه‌خشرا.

به‌مه‌به‌ستی خۆئاماده‌كاری بۆ مۆندیال ، ئه‌مرۆ چوارشه‌ممه‌ چه‌ندین یاری دۆستانه‌ی نێوده‌وڵه‌تی له‌ یاریگا جیاوازه‌كانی ئه‌وروپا و جیهاندا به‌ڕێوه‌ده‌چێت و یاری نێوان ئه‌ڵمانیا و ئه‌رجه‌نتین ، فه‌ره‌نسا و ئیسپانیا له‌ به‌هێزترین ئه‌و روبه‌روبونه‌وانه‌ن.

له‌چوار چێوه‌ى یاریه‌كانى هه‌فته‌ى دووه‌مى خولى پله‌یه‌كى یانه‌كانى كوردستان یانه‌ى سلێمانى توانى دووه‌م بردنه‌وه‌ى له‌سه‌ر یه‌ك تۆمار بكات كاتێك له‌ده‌ره‌وه‌ى یاریگاى خۆى توانى له‌شارى كه‌ركوك له‌یانه‌ى سۆلاڤى خاوه‌ن یاریگا بباته‌وه‌ به‌ئه‌نجامى 3گۆڵ به‌رامبه‌ر به‌گۆڵێك.